ازاي أقدر أساعدك في طريقك لأفضل نسخة من نفسك؟

أنا هنا لمساعدتك في طريقك ل
ـ #أفضـل_نسخـة_مـن_نفسـك ..

دي رسالتي الأولى والرئيسة في الحياة ..
السؤال المهم .. ازاي أقدر أساعدك؟
أو ايه هي الخدمات اللي أقدر أقدمهالك؟!
في البوست ده هجاوبك على الأسئلة دي ..

أنا كمحمد بقدم لك 4 خدمات مختلفة أقدر أساعدك بيها في طريقك لأفضل نسخة من نفسك .. #التدريب#الكوتشنج#الاستشارات#المنتورينج .. هوضح تعريف كل مصطلح بشكل سريع وقريبًا هنتكلم عنهم بشكل مفصل أكثر في بوست منفصل .. وبعدها هكتب ازاي ممكن أساعدك بالخدمة دي ..

1- خدمة التدريب:
التدريب | #Training: عملية تعلم المهارات اللازمة للقيام بعمل أو نشاط معين .. باختصار أنا بعرف أعمل حاجة معينة وأعرف أخليك ازاي تعملها = هو ده التدريب .. سواء كان الحاجة دي بقا سباحة، طبخ، تخطيط، أو حتى استخدام آلة أو ماكينة معينة ..

بفضل الله عندي عشرات الموضوعات التدريبية اللي بقدمها وقدمتها على مدار أكثر من 5سنوات، ومنها #نموذج_التميز_الشخصي#نموذج_التميز_في_التدريب#نموذج_التميز_في_الكوتشنح#رحلة_الإنياجرام#التميُّز_في_التعلُّم#الرحلة_في_التخطيط_الشخصي#برنامج_مهارات_الحياة#باقة_المهارات_الشخصية_والاجتماعية#ورشة_البنتاجرام#اللغز#باقة_التميز_المهني و….

2- خدمة الكوتشنج
الكوتشنج | #Coaching: علاقة شراكة بين الكوتش والمستفيد، بيقدر الكوتش إنه يساعد المستفيد على حل مشكلة ما أو اتخاذ قرار ما أو الاختيار بين خيارين هو محتار بينهم بدون أي توجيه مباشر أو غير مباشر من الكوتش، وده لأن الـ #Coaching_Mindset | #عقلية_الكوتشنج من أهم عناصرها الإيمان بقدرة الإنسان على إيحاد حلول لمشاكله وامتلاكه لقدرات كامنة محتاج فقط لما يساعده على إطلاقها.. وجلسات الكوتشنج أنواع: منها #العلاقات و #البيزنيس و #التربية و …

نوعية الجلسات اللي بقدمها هو #كوتشنج_اكتشاف_الذات#Self_Discovery_Coaching والتخصص ده من تخصصات الكوتشنج هدفه الأساسي يخلق أو يزود مساحة #الوعي_الذاتي عندك .. وده لأن الخطوة الأولى لـ #التميز هي #الوعي.

3- خدمة الاستشارات
الاستشارات | #Consulting: تقديم النصيحة حول موضوع معين .. شخص ما عاوز يفتح شركة برمجة .. هو مبرمج شاكر جدًا لكنه مش بيفهم في التسويق ولا في القانون .. فبيروح يستير شخص متخصص في التسويق عن دراسات الجدوى التسويقية وتحليل السوق و…. وبيروح يستشير محامِ عن الأوراق القانونية والإجراءات لتأسيس الشركة

أقدر أساعدك من خلال جلسات الاستشارات في أي خطوة في طريقك لأفضل نسخة من نفسك في أي محور من #المحاور_العشر_للحياة

4- خدمة المنتورينج
التوجيه | #Mentoring: من اسمه باين إن الموجّه بيقدم توجيهات للمستفيد .. أهم ما يميز المنتورينج هو إن الموجِّه والموجَّه الاتنين في نفــــس المجال، لكن الموجِّه سابق الموجَّه بخطوة أو اتنين أو تلاتة .. المنتور بينور الموجَّه على المطبّات اللي ممكن تقابله في الطريق وازاي يتفاداها .. والطرق المختصرة اللي ممكن يدخل فيها تختصر عليه الطريق .. .. أشبه بالعلاقة اللي كانت بين الملعم سريدنة وعبدالغفور البرعي 

لو أنت #مدرب أو #كوتش في المستوى المبتدئ أو المتوسط .. أو لو أنت شخص حابب\حابه تدخلـ\ـي مجال التدريب أو الكوتشنج فأنا أقدر أساعدك من خلال جلسات المنتورينج في مجال التدريب والكوتشنج ..

ملحوطة سريعة.. الكوتشنج والاستشارات لا يشترط أن يكون مقدم الخدمة مَرّ بالتجربة اللي هيقدم فيها كوتشنج أو استشارة، أما التدريب والمنتورينج فلابد يكون مقدّم الخدمة مَرّ بالتجربة أو أتقن المهارة اللي هيدرب عليها غيره..

لو عندك أي سؤال = اكتبه\اكتبيه في التعليقات وهرد على حضرتك

#الوعي_أولًا
#محمد_عبدالمعطي
#متخصص_في_نمذجة_التميز_الإنساني