About Us – محمد عبدالمعطي

نبذة عن محمد عبدالمعطي

متخصص في نمذجــــــــــة التميز الإنســــــاني.

كوتش تحت اعتماد PCC من الاتحاد الدولي للكوتشنج ICF كوتش معتمد بدرجة PCC من الاتحاد العربي للكوتشنج AUC ممارس معتمد للإنياجرام بمنهجية المؤسسة الدولية للإنياجرام IEA حاصل على دبلومة في البرمجة اللغوية العصبية من INLPTA ممارس لنموذج الـعبقرية الشخصية APG من الجمعية الدولية للدلالات العصبية ISNS ممارس لمنهجية النمذجة MODELING من الجمعية الدولية للدلالات العصبية ISNS مدرب معتمد CPT & CIT من عدد من المؤسسات التدريبية العربية والدولية

مؤسـس مدرســــــــــــــة التمـــــــــــز .

مؤسس شريك مدرسة الإنياجرام.

مدرب و كوتش و منتور و منمذج.

قصتي مع إلقاء المحاضرات بدأت من زمان.. يمكن من أيام ثانوي.
كنت بشرح لزمايلي مادة الاقتصاد الجزئي في أولى جامعة، وكانت من أحب المواد لقلبي.
وقتها الحضور كان بيزيد يوم بعد يوم، وبدأت أحس إني بحب أتكلم، أشرح، وأشارك اللي بعرفه.

📝 الدرس المستفاد: البدايات البسيطة أحيانًا بتكون نواة لأكبر رحلة.

لما أسست مع زملائي “أسرة بصمة”، حسيت بمسؤولية تطوير الفريق.
بدأت أسجل فيديوهات عن مهارات العرض والثقة بالنفس وشاركتها داخل الجروب الخاص بينا.
الفيديوهات دي كانت نقطة تحوّل خلتني أقول: “أنا بحب التدريب فعلًا!”

📝 الدرس المستفاد: مش يمكن لو جرّبت تكتشف إنك فعلًا تعرف؟!

وأنا في رابعة كلية، اتعرفت على نموذج الإنياجرام.
كان مختلف.. فيه نور. مش مجرد نظرية، كان رحلة لاكتشاف النفس.
من أول لحظة قررت أتعمق فيه، وكان بداية نقلة حقيقية.

📝 الدرس المستفاد: اختلافنا نعمة.. لو أدركناها، هنعيش بوعي وسلام.

أول مرة دخلت قاعة تدريب رسمي كانت مع مجموعة من المراهقين.
خرجت من القاعة وأنا مقرر: لازم أدرس TOT وأشتغل باحتراف.
رغم إن أحد المدربين قالي “أنت مش محتاج تتعلم.. أنت مولود مدرب”، لكني مؤمن إن الشغف لازم يتأسس.

📝 الدرس المستفاد: ابدأ، حتى لو الدنيا مش مرتبة.. هتتعلم وتثبت.

بدأت أتنقل بين مجالات كتير: تدريب مراهقين، طلاب جامعة، مهارات إدارية، نفسية..
كنت شغوف، بس تايه. بحب أشياء كتير ومش عارف أركز في إيه.

📝 الدرس المستفاد: الشغف جميل، لكنه مش كفاية بدون اتجاه.

بعد كل الحيرة، قررت أنسحب شوية.
قفلت السوشيال ميديا، بطّلت كوتشينج، ورتّبت أفكاري.
استشرت منتورز، ودرست السوق، وخرجت بخطة واضحة المعالم.

📝 الدرس المستفاد: من صدق العزم، هُدي السبيل.

بدأت أقدم برامجي التدريبية بشكل ممنهج أكتر.
أسست “نموذج التميز الشخصي”، ودربت من خلاله عشرات المتدربين.
كنت حريص دايمًا إني أطور نفسي أولًا، عشان أقدر أطور غيري.

📝 الدرس المستفاد: النجاح مش نهاية.. النجاح بداية لتطوير مستمر.

حسيت إن التدريب الفردي لوحده مش كفاية.
بدأت أجهز مدربين وكوتشز يساعدوني في نشر الأثر.
ومن هنا أسست “نموذج التميز في التدريب” و”نموذج التميز في الكوتشنج”.

📝 الدرس المستفاد: على قدر حلمك تتسع لك الأرض.

لقيت إن لقب “كوتش التميز الشخصي” مبقاش كافي.
فقررت أغيره لـ “متخصص في نمذجة التميز الإنساني” لأنه بيعبر أكتر عن اللي بقدمه: تدريب، كوتشينج، منتورينج، واستشارات.

📝 الدرس المستفاد: من لم يتجدد، يتبدد.

بحب أتعلم، وأعلّم.
عندي خطط لكورسات، برامج، مشاريع لسه ماشية في طريق التنفيذ.
وكل يوم بيعلّمني إن العلم مش له نهاية.

📝 الدرس المستفاد: من المحبرة إلى المقبرة، أنا طالب علم طول الوقت.

من هنا تبدأ قصتك

ابدأ رحلتك نحو التميز الإنساني والمهني

في عالم سريع التغير، التميز لم يعد رفاهية بل ضرورة. أنا محمد عبدالمعطي، أساعدك في إعادة اكتشاف نفسك، وتطوير مهاراتك، والانطلاق نحو نسخة أقوى من ذاتك عبر التدريب، الكوتشنج، والنمذجة الإنسانية.

أكتشف الدورات التدربية